闹，伢绍兴有句老话：叫“冬冷勿算冷，春冷冻死秧”，话咯就是咯段日子咯天介。可能大家鞋感觉到哉，咯两日咯天介岁刚做小人咯一班脸孔，真当是会哭会笑，反复无常。闹，一些些天热的都要穿短袖口哉，一些些天又冷落哉。而有辰光，一日里头都要变三变，早夜寒气袭人，日里温暖如春。而按照气象学咯话法，在春天介，像咯种“善变”咯天气，鞋有一种专门咯称呼，叫“倒春寒”。扎早夜温差大，气候反复无常，勿但会拨大家咯生活起居带来诸多不便，鞋容易诱发多种疾病咯发生。有人鞋来大扎我章师母话，话一到咯个季节，日子最难熬咯就是一些患有风湿病咯人。闹，像索咯东痛西痛都出来哉，人岁是浑身勿舒服。那么，风湿病到底是奈咯一种疾病？大家平时在生活中又应该注意些索咯问题呢？下底，医院风湿免疫科咯主任医师，俞钟明，请俞医师拨大家具体咯来讲一讲。